Finsam AS
Fyrirtækið er rótgróið norskt fyrirtæki sem hefur mikla og langa reynslu í ísvélaframleiðslu. Kælitækni hefur um árabil átt mikið og gott samband við þessa norsku frændur okkar. Fyrirtækin hafa einnig átt gott samstarf í þróun og hönnun lausna sem mörg fyrirtæki í sjávarútvegi njóta.
Plötuísvélar eru ein þekktasta framleiðsla Finsam og hafa þær verið notaðar hér á landi í áratugi, hvort heldur sem er á sjó eða í landi.
Þrír meginflokkar eru framleiddir:
VIP 2-10 vélarnar eru afgreiddar með eða án vélakerfis og til í stærðunum 2 - 10 tonn á sólarhring. Margir þekkja þessar vélar frá norsksmíðuðu ísfisktogurunum á árum áður. Vélarnar eru enn í mörgum þessarra skipa og einnig í fjölmörgum landvinnslum.
VIP 18 vélarnar eru venjulega afgreiddar án vélakerfis. Þessar vélar eru til fyrir hvort heldur freon eða ammóníak og eingöngu fyrir dælukerfi. Afköst eru 30 tonn á sólarhring. Tugir slíkra véla eru í landinu og eru í velflestum ísverksmiðjum landsins og í stærri fiskvinnslum.
TS 4 - 8 vélarnar eru nýjasta afurð í þessum flokki. Vélarnar eru hvort heldur fyrir freon eða ammóníak og eru alltaf útbúnar með fallkút (Thermo syphon). Þessar vélar er því auðvelt að tengja við nánast hvaða kerfi sem er og hafa mjög góða orkunýtingu sökum þess hve auðvelt er að keyra á passandi eimunarhitastigi.
Afköst eru 4 - 17,5 tonn á sólarhring. Allnokkrar slíkar vélar eru í landinu.